चीनका राष्ट्राध्यक्ष हु चिन थाउले हिजो बेलुकी अमेरिकी राष्ट्रपति बुशसँग टेलिफोन वार्ता गर्नुभयो।

      थाइवान समस्याबारे राष्ट्राध्यक्ष हु चिन थाउले एक मात्र चीनको नीतिमा डटिरहने, थाइवानको स्वतन्त्रता पक्षधरको विरोध गर्ने सम्बन्धमा राष्ट्रपति बुश तथा अमेरिका सरकारद्वारा धेरै पटक व्यक्त गरिएको स्पष्ट अडानको प्रशंसा गर्नुका साथै थाइवान जल-डमरुको शान्ति तथा स्थिरताको संरक्षण गर्नका लागि चीन र अमेरिकाले संयुक्त प्रयास गर्नसक्ने आशा व्यक्त गर्नुभयो।

      तिब्बतको लासामा हालै गराइएको कुटपीट, लुटपाट, तोडफोड तथा आगजनीलगायतका हिंसात्मक घटनाबारे चर्चा गर्दै राष्ट्राध्यक्ष हु चिन थाउले यस पटकको गम्भिर हिंसात्मक घटनाका लागि कुनै पनि उत्तरदायी सरकारले त्यसको जिम्मेवारी वहन गर्नुपर्ने कुरा वताउनुभयो। दलाइ लामाले "तिब्बतको स्वतन्त्रता" को अडानलाई परित्याग गरेको, मातृ-भूमिलाई अलग पार्ने गतिविधि त्यागेको तथा तिब्बत र थाइवान चीनको अविभाज्य अङ्ग भएको तथ्यलाई स्वीकार गरेको खण्डमा चीन सरकार उहाँसँग वार्ता गर्न इच्छुक रहेको कुरा राष्ट्राध्यक्ष हु चिन थाउले स्पष्ट पार्नुभयो।

      उहाँहरुले कोरियाली प्रायद्वीपको आणविक समस्याबारे विचार-विमर्श गर्नुभयो।