चिनियाँ राष्ट्रिय समाचार समिति सिंग व्हा समाचार समितिले आज एक लेख प्रकाशित गर्दै चीनको तिब्बत स्वायत्त प्रदेशमा प्रजातान्त्रिक सुधार गरिएको पचास वर्षदेखि यता तिब्बतको व्यापक जनताको अस्तित्व र विकासको अधिकारको आमूल प्रत्याभूति प्राप्त भएको उल्लेख गरेको छ।

      सो लेखमा उल्लेख गरिएको छ की प्रशस्त ऐतिहासिक सामग्रीका अनुसार शान्तिपूर्ण मुक्ति र प्रजातान्त्रिक सुधार हुनुभन्दा अघिको तिब्बतमा जताततै सामन्तवादी भूदास प्रथामुनि रहेका व्यापक भूदासले समाजको अन्तिम तहमा छटपटाइरहनुपरेको थियो। शान्तिपूर्ण मुक्ति र प्रजातान्त्रिक सुधार गरिएपछि दलाईको रजाईंमा रहेको प्रशासन र धर्म एकरुपतामा रहेको सामन्तवादी भूदास प्रथालाई उन्मूलन गरिएको थियो। जातीय क्षेत्रीय स्वशासन परिपाटी लागू भएबाट तिब्बती जनताले समानताका साथ सरकारी मामिलाको संचालन गर्ने, स्वेच्छानुसार आफ्नो क्षेत्र र आफ्नो जातिको मामिलाको संचालन गर्ने स्वशासित अधिकारको उपभोग गर्न पाएका छन्।

      चीन सरकारले सहायताको माध्यममार्फत तिब्बतको आर्थिक र सामाजिक विकासलाई गति प्रदान गरेको छ। हाल तिब्बतको आर्थिक बृद्धिको गति समस्त चीनको सरदर स्तरभन्दा माथि बढी रहेको छ।