तिब्बती जनताको जीवन सुध्रदैआएको कुरालाई कसैले पनि नकार्न नसक्ने कुरा चिनियाँ सामाजिक विज्ञान प्रतिष्ठानका प्राध्यापक श्या छुन थाउ र जातीय विशेषज्ञ जालोले औंल्याउनुभएको छ। उहाँहरुले हिजो चीनको इकोनोमिक दैनिकलाई दिनुभएको अन्तर्वार्तामा उक्त कुरा बताउनुभएको हो।
प्राध्यापक श्या छुन थाउले भन्नुभयो- तिब्बतको शान्तिपूर्ण मुक्ति भएपछिको आधा शताव्दीदेखि केन्द्रीय सरकारले सधैं नै तिब्बतको आर्थिक र सामाजिक विकासका लागि सशक्त समर्थन गर्दैआएको छ र आर्थिक, सांस्कृतिक, शैक्षिक, सीमावर्ती ब्यापार आदि विभिन्न क्षेत्रमा तिब्बतको विकाससम्बन्धी सहुलियत नीतिको तर्जुमा गरेको छ। तिब्बतको विकासको प्रवृत्ति शक्तिशाली देखिन्छ र जनताको जीवनमा टड्कारो सुधार हुँदैआएको छ।
विशेषज्ञ जालोले भन्नुभयो- तिब्बतको अर्थतन्त्र लगातार सात वर्षसम्म बाह्र प्रतिशतको वृद्धि दरले विकसित हुँदैआएको छ।
|