मार्च अट्ठाइस तारिखका दिन चीनस्थित केही मुलुकका कुटनीतिज्ञहरुले तिब्बत स्वायत्त प्रदेशको राजधानी लाह्सामा गएर मार्च चौध तारिखका दिन लाह्सामा भएको कूटपिट, भताभंग, लूटपाट र आग्जनीको गम्भिर हिंसात्मक घटनाका सम्बन्धमा दुई दिनसम्म स्थलगत निरीक्षण गर्नुभयो। हिंसात्मक घटनाका कारण भएको क्षतिलाई आफ्नै आँखाले देख्नपाएपछि ती कुटनीतिज्ञहरुले मार्च चौध तारिखका दिन भएको उक्त घटनाका सम्बन्धमा चीन सरकारले अंगालेका कदमको समर्थन गर्नुभएको छ।
ब्राजिल, अमेरिका, बेलायत, सिंगापुर, टान्जानिया, रुस जस्ता मुलुकका चीनस्थिति कुटनीतिज्ञहरुले लाह्साको स्थलगत निरीक्षण गर्नुभएको छ। निरीक्षण टोलीले लाह्सा पुगेपछि पहिले नै लाह्साको पैचिंग चुंग लु भन्ने सडकमा पर्ने यी ठुन भन्ने लुगा पसलमा आगजनी गरिएपछिको भस्म हेरेका थिए। त्यस लुगा पसलको घटनाका क्रममा पाँचवटी केटीको ज्यान गएको छ।
तिब्बत स्वायत्त प्रदेशका अध्यक्ष सिंन्गबा पुन्चोंगले निरीक्षण टोलीका सदस्य समक्ष अवैध व्यक्तिहरुको हिंसात्मक गतिविधि तथा तिब्बत स्वायत्त प्रदेशले यस घटनालाई शान्त पार्न र सामाजिक परिपाटीलाई पुनः ठीक गर्न कानून बमोजिम अंगालेको सम्बन्धित कदमबारे जानकारी गर्नुभयो।
|