चीनको परराष्ट्र मन्त्रालयका प्रवक्ता च्याङ्ग युले हिजो यूरोपेली संघको परराष्ट्र मन्त्री परिषदको अनौपचारिक सम्मेलनमा तिब्बतको परिस्थितिबारे छलफल गरिनुका साथै टिप्पणी प्रकाशित गरिएकोमा चीनले कडा शब्दमा असन्तोष व्यक्त गरेको कुरा औंल्याउनुभयो।

        पत्रकारबाट सोधिएको प्रश्नको जवाफ दिंदै प्रवक्ता च्याङ्ग युले तिब्बत समस्या चीनको आन्तरिक मामिला भएकाले कुनै पनि देश र अन्तर्राष्ट्रिय संगठनले त्यसमा हस्तक्षेप गर्ने अधिकार नभएको कुरामा जोड दिनुभयो। उहाँका अनुसार, ल्हासा आदि क्षेत्रमा कुटपिट, लुटपाट, तोडफोड र आगजनी गरिएकाले मानव अधिकारमाथि आघात पुर्‍याउनुका साथै सार्वजनिक सुरक्षा तथा सामाजिक परिपाटीमा पनि धम्की सिर्जना गरिएको छ।

        चीनले तथ्य कुराको सम्मान गर्ने आधारमा हिंसात्मक गतिबिधि मच्चाएका व्यक्तिहरुको स्पष्टसँग निन्दा गर्न यूरोपेली संघ तथा त्यसका सदस्य-मुलुकलाई कडा शब्दमा आग्रह गरेको कुरा पनि प्रवक्ता च्याङ्ग युले बताउनुभयो।