स्थानीय समय अनुसार आज दिउँसो पैचिङ्ग ओलम्पिक खेलकुदको पवित्र ज्योतिलाई कजाकस्तानको आल्मा आतामा पुर्‍याइएको छ। त्यसै गरी विश्वका पाँचवटा महाद्बीप पार गरिने पवित्र ज्योतिको यात्रा पनि शुरु भएको छ।

          पन्ध्र लाख जनसंख्या रहेको आल्मा आता शहर कजाकस्तानको सबैभन्दा ठूलो शहर तथा पहिलेको राजधानी हो। पैचिङ्ग ओलम्पिक खेलकुदको पवित्र ज्योति रिले कार्यक्रम भोलि त्यसै शहरमा आयोजित हुनेछ।

           प्राप्त जानकारी अनुसार, आल्मा आता शहरमा आयोजित हुने पवित्र ज्योति रिले कार्यक्रमलाई दुइ चरणमा विभाजित गरिनेछ। त्यति बेला कजाकस्तानका राष्ट्रपति नुर्सुल्तान नाचार्बायेभ पनि सो भव्य कार्यक्रममा उपस्थित हुनुहुने भएको छ।