चिनियाँ मानवअधिकार अनुसन्धान संघले हिजो एक वक्तव्य सार्वजनिक गर्दै एम्नेस्टी इन्टरनेशनलद्वारा मार्च एकतीस तारिखका दिन प्रकाशित गरिएको प्रतिवेदनमा चीनको मानवअधिकारको अवस्थालाई जथाभावी रुपमा बँग्याइएको र निराधार आरोप लगाइएको र त्यो अति नै वस्तुगत नभएको, अति निष्पक्ष नभएको र स्वीकार गर्न नसकिएको कुरा उल्लेख गरेको छ।
सो वक्तव्यमा भनिएको छ- उक्त प्रतिवेदनले चीनको मानव अधिकार तथा चीन सरकारले ऐन बमोजिम ल्हासामा गराइएको हिंसात्मक काण्डलाई छिनोफानो गरेको विषय बारे नराम्ररी झुठो समाचार दिएको र शत्रु भाव लिंदै बदनाम गरेको छ। यसबाट एम्नेस्टी इन्टरनेशनल चीनप्रति सधैं राजनीतिक पुर्वाग्रह राखेको र शत्रुतापूर्ण अडान लिएको कुरा प्रमाणित भएको छ।
सो वक्तव्यमा अझै भनिएको छ- हामी समानता र एकले अर्कालाई कदर हुने आधारमा मानव अधिकार सम्बन्धी अन्तर्राष्ट्रिय वार्ता र सहयोग गर्ने पक्षमा छौं तर हामीले कुनै पनि संगठनले मानव अधिकारको मुकुण्डो भिरेर चीनलाई बदनाम गर्ने र चीनमाथि निराधार अभियोग गर्ने कुराको दृढताका साथ विरोध गर्दछौं।
|