चीनको प्रहरीले हालै स छ्वान प्रान्तको आ पा तिब्बती र छ्याङ्ग जातीय स्वाशासित राज्यको आ पा जिल्लामा रहेको कर्तङ्ग गुम्बाबाट अत्यधिक मात्रामा बन्दूक, गोली, बारुद र मातृभूभिलाई अलग्याइने प्रचार-प्रसार सामग्रीहरु बरामद गरेको छ। त्यस गुम्बाका केही लामाले केही समयअघि कुटपिट, लुटपाट, तोडफोड र आगजनी आदि हिंसात्मक गतिबिधि मच्चाएका थिए।
चीनको स छ्वान प्रान्तको आ पा तिब्बती र छ्याङ्ग जातीय स्वशासित राज्यका उप प्रमुख स्याउ यौ छाईले आज पैचिङ्गमा आयोजित पत्रकार सम्मेलनमा उक्त जानकारी दिनुभएको हो।
श्री स्याउका अनुसार, आ पा जिल्लामा उत्पन्न भएका कुटपिट, लुटपाट, तोडफोड र आगजनी लगायतका हिंसात्मक गतिबिधि स्वतः भएको होइन, बरु ती हिंसात्मक गतिबिधि वास्तवमा दलाई गूटले कुचेष्टा लिएर मच्चाएका अनेकन हिंसात्मक गतिबिधिहरुमध्येको एक हो।
|