गत मार्च 14 तारिखका दिन तिब्बतको सदरमुकाम ल्हासामा केहि आपराधिक समूहारा मच्चाइएको हत्या, आगजनी, लुटपाट र तोडफोडका सम्बन्धमा नेपालस्थित राष्ट्रिय तथा अन्तर्राष्ट्रिय सञ्चारमाध्यमका प्रतिनिधिहरुलाई सत्यतथ्य जानकारी गराउने उद्देश्यले आज आयोजित पत्रकार सम्मेलनमा राजदुत चङ्ग स्याङ्ग लिनले सो विचार व्यक्त गर्नुभएको हो ।
राजधानी काठमाडौंमा स्वतन्त्र तिब्बतको नारा लगाउँदै केही तिब्बती शर्णार्थीहरुद्बारा केहि दिनयता गरिएको प्रदर्शन रोक्न नेपाल सरकारले देखाएको प्रतिबद्धता र नेपालको एक चीन नीतिको चीनले सदा समर्थन गरेको बताउँदै राजदुत चङ्ग स्याङ्ग लिनले प्रदर्शनमा सहभागी हुनेहरु आफ्नो बुद्धि विवेकबाट नभएर चीनको स्वतन्त्रता, सम्पन्नता र स्थायी शान्तिका विरोधीहरुको उक्साहटमा लागेर प्रदर्शनमा उत्रिएको दाबी गर्नुभयो ।
राजदुत चङ्ग स्याङ्ग लिनले तिब्बतको विकास र तिब्बती जनताको समृद्धिका लागि चीन सरकारले गरेका उच्चतम लगानीबाट अत्तालिएर, दलाई लामाले शान्तिको वकालत गर्दै राजनीति गरी आपराधिक समूहमाफत् तिब्बती शान्ति र विकासमा अवरोध खडा गर्ने उद्देश्यले मार्च 14 का दिन ल्हासामा विध्वंस मच्चाएको समेत बताउनुभयो ।
पत्रकार सम्मेलनमा राजदुत चङ्ग स्याङ्ग लिनले नेपाली सञ्चारमाध्यमहरुले न्यायपूर्ण, स्वतन्त्र र निष्पक्ष समाचार सम्प्रेषण गरी यथार्थता नबुझी प्रदर्शनमा उत्रिएकाहरुलाई सचेत गराउन समेत आग्रह गर्नुभयो ।
रमेशकुमार भट्टराई
सी.आरआई
काठमाडौं
|