हालै हाम्रो रेडियोको सि.आर.आई.अन-लाइनका विदेशी भाषाका उनान्चालिसवटा वेभ-साइटहरुले तिब्बतमा भएको हिंसात्मक गतिविधिको वास्तविकतालाई सार्वजनिक गर्दा विश्वका विभिन्न मुलुकका इन्टर्नेट प्रयोगकर्ताहरुमाझ उक्त घटनाप्रति प्रतिक्रिया जगाइएको छ। विभिन्न मुलुकका इन्टर्नेट प्रयोगकर्ताहरुले हाम्रा वेभ-साइटलाई सूचना दिने, इ-मेल अथवा टेलिफोनमार्फत आ-आफ्नो विचार व्यक्त गरेका छन।

        एकजना इटलीमन इन्टर्नेट प्रयोगकर्ताले आफ्नो सूचनामा ल्हासामा भएको कुटपिट, लुटपाट, आग्जनीजस्ता हिंसात्मक गतिविधिले तिब्बतको शान्ति तथा स्थिरतालाई ध्वस्त पारेको विचार व्यक्त गरेका छन। जर्मनीका इन्टर्नेट प्रयोगकर्ता हेल्मुट माटले आफ्नो इमेलमा यस पटकको हिंसात्मक घटना चीन विरोधी शक्ति तथा तिब्बतलाई स्वतन्त्र पार्ने तत्वहरुले योजना गरेको हो र त्यस घटनाको उद्देश्य पैचिङ्ग ओलम्पिक खेलकूदलाई बिथोली अन्तर्राष्ट्रिय क्षेत्रमा चीनको छविलाई ध्वस्त पार्नु हो भन्ने ठहर व्यक्त गरेका छन।

        स्पेन, चेक, मनाको, दक्षिण अमेरिका तथा मध्य अमेरिकाका इन्टर्नेट प्रयोगकर्ताहरुले पनि इमेलमा ओलम्पिक खेलकूदलाई राजनीतिकरण गर्ने कुराको विरोध गरेका छन।

        यसका अतिरिक्त, धेरै इन्टर्नेट प्रयोगकर्ताहरुले दलाइ गुटको नक्कली करुणा, सल्कली हिंसा भन्ने साँचो मुख देखेको र चीन सरकारको सम्बन्धित कदमहरुको समर्थन गरेको कुरा व्यक्त गरेका छन। साथै, उनीहरुले पैचिङ्ग ओलम्पिक खेलकूदको राम्रोसँग आयोजना गर्ने क्षमता चीनसँग भएको विश्वास पनि प्रकट गरेका छन।