ओलम्पिक खेलकुदको आयोजना गर्ने अधिकार पेइचिङ्गलाई दिएको कुरा एउटा उपयुक्त छुनौट हो भन्दै अन्तर्राष्ट्रिय ओलम्पिक समितिका अध्यक्ष जाख्वेस रोगले अस्ति सिंगापूरमा अन्तर्राष्ट्रिय ओलम्पिक समितिलाई अफसोस नलागेको विचार व्यक्त गर्नुभएको छ। उहाँले पेइचिङ्ग ओलम्पिक समितिद्बारा गरिएको ओलम्पिक खेलकुदको तयारी कार्यप्रति संतोष पनि व्यक्त गर्नुभएको छ। अन्तर्राष्ट्रिय ओलम्पिक समितिअन्तर्गत 29औं ओलम्पिक समन्वय समितिका अध्यक्ष हेयन भेर्ब्रुगेनले पनि पेइचिङ्ग ओलम्पिकलाई राजनीतिकरण गर्ने कुराको कडा विरोध गर्नुभएको छ। अन्तर्राष्ट्रिय ओलम्पिक समितिका मानार्थ अध्यक्ष सामारान्चिले दुइ तारिखका दिन तिब्बती मामिलाको खेलकुदसँग कुनै सम्बन्ध नभएको कुरा बताउनुभएको छ।

      बेलायत सरकारमा ओलम्पिक मामिलासम्बन्धी अधिकारी जोवेल्लले अस्ति हेच्रो विमान स्थलमा पेइचिङ्ग पवित्र ज्योतिको स्वागत गर्दै बेलायत सरकारले ओलम्पिकलाई बहिष्कार नगर्ने ठहर अवश्य नै लिएको कुरा बताउनुभयो। फ्रान्सेली सांसद एवम् भूतपूर्व युवा तथा खेलकुद मन्त्री जेन फ्रान्कोइस लामोरले दुइ तारिख पेरिसमा बोल्दै धेरै मानिसले तिब्बतबारे जानकारी नलिएकाले पेइचिङ्ग ओलम्पिक खेलकुदलाई बहिष्कार गरेमा गलती हुने विचार व्यक्त गर्नुभयो। बेरारुसका राष्ट्रपति अलेक्सान्देर लुकाचेन्कोले तीन तारिखमा एउटा वक्तव्य प्रकाशित गरेर ओलम्पिक खेलकुदलाई बहिष्कार गर्ने कुरा गैर-रचनात्मक गतिविधि भएको विचार व्यक्त गर्नुभएको छ।

      त्यसबाहेक नर्वे, अस्टेलिया, जापान आदि मुलुकका राष्ट्रनायकले पेइचिङ्ग ओलम्पिकलाई बहिष्कार गर्ने गतिविधिको विरोध गर्नुभएको छ।