लण्डन र पेरिसमा "तिब्बतको स्वतन्त्रता पक्षधर समुह"ले ओलम्पिकको राँको रिले कार्यक्रमलाई बिथोल्नखोजेको गतिविधिको चीनले कडा निन्दा गरेको छ। चिनियाँ परराष्ट्र मन्त्रालयका प्रवक्ता च्याङ्ग युले आज पेइचिङ्गमा एक प्रश्नको उत्तर दिंदै उक्त कुरा बताउनुभएको हो।
पेइचिङ्ग ओलम्पिक खेलकुद विश्वव्यापी जनताको संयुक्त खेलकुद भव्य समारोह हो र ओलम्पिक राँको विश्वव्यापी जनताको राँको हो भन्ने कुरा सुश्री च्याङ्ग युले बताउनुभयो। बेलायत र फ्रान्सका सर्वसाधारणको सौहार्दपूर्ण स्वागतमा अस्ति र हिजो ओलम्पिक राँको रिले कार्यक्रम सुरक्षित रुपमा सम्पन्न भयो।
सुश्री च्याङ्ग युका अनुसार, "तिब्बतको स्वतन्त्रता पक्षधर समुह"ले ओलम्पिकको भावना र बेलायत तथा फ्रान्सको ऐनको वेवास्त गरेर ओलम्पिकको राँको रिले कार्यक्रमलाई बिथोल्नखोजेको गतिविधिको चीनले कडा निन्दा गरेको छ। उक्त निर्लज्जतापूर्ण गतिविधिले ओलम्पिकको पवित्र भावनाको बदनाम गर्नुका साथै विश्वव्यापी ओलम्पिक खेलकुद मन पराउने मानिसहरुलाई दिएको चुनौती हो। ओलम्पिक राँको प्रज्वलन गरेर विश्व भातृत्वका लागि विश्व परिक्रमाको क्रममा रहेको ओलम्पिक द्विपले फैलाउने ओलम्पिकको भावना र "शान्ति, मित्रता तथा प्रगति"को भावनालाई कुनै पनि मानिसहरुबाट रोक्न नसक्ने विश्वास चीनले गरेको छ।
|