चीनको परराष्ट्र मन्त्रालयका प्रवक्ता च्याँग युले सिंगापुरमा आयोजित कोरियाली प्रायद्वीपको आणविक समस्यासम्बन्धी अमेरिका र उत्तर कोरियाका छ-पक्षीय वार्ता प्रतिनिधिमण्डलका प्रमुखबीचको वार्ताबाट सक्रिय उपलव्धि हासिल हुने अपेक्षा चीनले गरेको कुरा बताउनुभएको छ। आज पेइचिँगमा आयोजित नियमित पत्रकार सम्मेलनमा उहाँले उक्त कुरा वताउनुभएको हो।

          चीनले छ-पक्षीय वार्तासम्बन्धी विभिन्न पक्षले आदान-प्रदान र सल्लाह गरी छ-पक्षीय वार्ता र प्रायद्वीपलाई आणविक अस्त्ररहित क्षेत्र बनाउने प्रक्रियालाई अघि बढाउनका लागि समर्थन गरिरहेको कुरा पनि उहाँले बताउनुभयो।

          चीनका उप-परराष्ट्रमन्त्री ऊ ता वीले नौ तारिखका दिन पेइचिँगमा अमेरिकाका उप-विदेशमन्त्री हिलसँग भेट गरी अमेरिका-उत्तर कोरिया वार्तामा भएको उपलव्धिबारे जानकारी लिनुका साथै हाल छ-पक्षीय वार्ताको परिस्थिति र आगामी चरणको कार्यबारे अमेरिकासँग वैचारिक आदान-प्रदान गर्नुहुने कुरा पनि प्रवक्ता च्याँग युले वताउनुभयो। यस बाहेक दक्षिण कोरिया र जापानका छ-पक्षीय वार्ता प्रतिनिधिमण्डलका प्रमुखहरु वार्तामा भएको उपलव्धिबारे जानकारी लिनका लागि पेइचिँग आउनुहुने कुरा पनि उहाँले बताउनुभयो।