तिब्बत स्वायत्त प्रदेशका अध्यक्ष छ्याँपा पिनछोगले दलाई गूटबाट रचित मार्च चौधको कूटपीट, तोडफोड, लूटपाट र आगजनीको घटनाका कारण तीस करोड चिनियाँ युआनको क्षति भएको कुराको जानकारी दिनुभयो। उहाँले आज पैचिंगमा चिनियाँ राज्य परिषद्‍को प्रेस कार्यालयबाट आयोजित पत्रकार सम्मेलनमा पत्रकारको प्रश्नको उत्तर दिंदा उक्त कुरा बताउनुभएको हो।

       प्राप्त पछिल्लो तथ्याङ्कअनुसार, ल्हासामा भएको उक्त हिंसात्मक घटनाको मारमा परी क्षतिग्रस्त भएका पसलहरुको संख्या एक हजार तीन सयभन्दा बढी छ।

      अध्यक्ष छ्याँपा पिनछोगका अनुसार, तिब्बत स्वायत्त प्रदेश सरकारले उक्त घटनामा नोक्सानी ब्यहोरेका ब्यापारी र पसलहरुलाई कर महसूल, घर-भाडा, घाइते भएकाहरुको उपचार तथा मृतकहरुलाई क्षतिपूर्ति जस्ता पक्षमा आवश्यक पाइला चालेको छ। अब आउने दुइ/तीन वर्षभित्र उनीहरुले लिने ऋणका लागि सरकारले ब्याज तिरिदिनेछ।