तिब्बत स्वायत्त प्रदेशका अध्यक्ष छ्याँगपा पिनगोगले तिब्बत स्वायत्त प्रदेशले ओलम्पिकको पवित्र ज्योति तिब्बतमा सफलताका साथ रिले गर्नका लागि पूरा तम्तयारी गरिसकेको र सूक्ष्मताका साथ बन्दोबस्त मिलाइसकेको छ र ओलम्पिकको पवित्र ज्योति रिले कार्यक्रम निश्चय नै सुरक्षित र सन्तोषजनकरुपमा साथै सफलताका साथ सम्पन्न हुनेछ भन्नुभयो।

      उहाँले आज पैचिंगमा चिनियाँ राज्य परिषद्‍को प्रेस कार्यालयबाट आयोजित पत्रकार सम्मेलनमा उक्त कुरा बताउनुभएको हो।

      ओलम्पिकको पवित्र ज्योति तिब्बतमा रिले गर्ने काम तिब्बती जनताको इज्जत र जिम्मेवारी हो र यसको तिब्बतका विभिन्न जातिका जनताले अत्यन्तै समर्थन गर्छन भन्दै अध्यक्ष छ्यापा पिनगोगले हालै लण्डन र पेरिसमा तिब्बती स्वतन्त्रता पक्षधर तत्वहरुले रिले कार्यक्रमलाई बिथोल्न मच्चाएको कुकर्मबाट तिनको साँचो अनुहार दुनियाँ सामु छर्लंग भएको कुरा बताउनुभयो।