अन्तर्राष्ट्रिय ओलम्पिक समितिका पूराना सदस्य, अमेरिकी आनिटा देफ्रान्चले स्थानीय समयअनुसार आठ तारिखका दिन सान फ्रान्सिस्कोमा बोल्दै ओलम्पिक खेलकुदसँग ओलम्पिक खेलकुदको पवित्र राँकोको महत्वपूर्ण अर्थ रहेको कुरा वताउनुभयो। ओलम्पिक राँको रिले कार्यक्रमलाई विथोल्ने कारवाहीप्रति उहाँले चिन्ता व्यक्त गर्नुभयो।

         श्री आनिटा देफ्रान्चले पैचिङ ओलम्पिक खेलकुदको राँको सान फ्रान्सिस्कोमा रिले कार्यक्रममा भाग लिने व्यक्तिहरुलाई तालिम दिने सम्मेलनमा उक्त कुरा वताउनुभएको हो। अन्तर्राष्ट्रिय ओलम्पिक समितिका अध्यक्ष जाक्वी रोगेका तर्फबाट उहाँले उक्त तालिम सम्मेलनमा राँको रिले कार्यक्रमको अर्थबारे विस्तृत रुपमा प्रकाश पार्नुभयो।

         श्री आनिटा देफ्रान्च सन् 1986 मा अन्तर्राष्ट्रिय ओलम्पिक समितिका सदस्य हुनुहुन्थ्यो। उहाँले अन्तर्राष्ट्रिय ओलम्पिक समितिको कार्यकारी समितिका सदस्य र अन्तर्राष्ट्रिय ओलम्पिक समितिका उपाध्यक्षको पदमा सम्हालिसक्नुभएको छ।