निकै अल्पसंख्यक " तिब्बती स्वतन्त्रता"का पक्षधर तत्वहरुले लण्डन र पेरिसमा ओलिम्पिक खेलकुदको पवित्र राँको रिले कार्यक्रमलाई बिथोल्ने प्रयास गरेकाले ल्हासा नगरका तिब्बती अधिकार र जन-साधारणले त्यसको कडा निन्दा गरेका छन।

        सेवा निवृत्त अधिकारी चोइटाले रीसाउँदै के भन्नुभएको छ भने, पृथकतावादी तत्वहरुले बीस दिनअघि ल्हारामा हुलदङ्गा, कूटपीट, आगजनी जस्ता कुकर्महरु गरेका थिए भने अहिले विदेशमा ओलम्पिकको राँको रीले कार्यक्रमलाई बिथोल्ने प्रयास गर्दैआएका छन। 

        तिब्बती शिक्षक लामोले भन्नुभयोः ओलम्पिक खेलकुद समस्त मानव जातिको एउटा शान्तिपूर्ण र मैत्रीपूर्ण समारोह नै हो। राँको रीले कार्यक्रमलाई बिथोल्ने काम गर्नु मानव जातिबीचको शान्ति र मितेरीलाई बिथोल्नु नै हो। यस्तो कुकर्मको सबै शान्तिप्रेमी मानिसहरुले विरोध गर्दैआएका छन।

        त्यसैगरी तिब्बत स्वायत्त प्रदेशका अध्यक्ष छिआङ्गबा फुन्चोगले भन्नुभयोः तिब्बती जाति इमान्दार, मिलनसार र गुणवान जाति हो। तिब्बतको नाउँ लिएर कुकर्म गर्दैआएका बदमाशहरुलाई देखेर तिब्बतीका हैसियतले हामीलाई लाज लागेको छ। उनीहरुका कुकर्मबाट उनीहरुको वास्तविक अनुहार विश्वका जनतासामु छर्लङ्ग हुँदैआएको छ।