चीनका परराष्ट्र मन्त्रालयका प्रवक्ता श्रीमती च्याङ युले आज पैचिङ्गमा बोल्दै केही समयअघि ल्हासामा भएको कुटपिट, लुटपाट तथा आग्जनीजस्ता हिंसात्मक काण्डबारे कथाकथित "अन्तर्राष्ट्रिय जाँचबुझ अथवा स्वतन्त्र जाँचबुझ" गर्ने प्रस्ताव केहीले प्रस्तुत गरेको कुराको जवाफ दिनुभयो।

           उहाँले सम्बन्धित पक्ष तथा मुलुकले सर्वप्रथम यूरोप तथा अमेरिकालगायतका मुलुकस्थित चिनियाँ संस्थामा भएका गम्भीर हिंसात्मक प्रहारहरुको पछाडि उक्साउने मानिस को-को हुन भन्ने कुराबारे जाँचबुझ गर्नुपर्ने ठहर व्यक्त गर्नुभयो। उहाँले ती योजनाकर्ताहरु तथा उनीहरुको उद्देश्यबारे जाँच गरेपछि अन्य धेरै कुराहरुको साँचो रुप देखापर्ने कुरा बताउनुभयो।