चीनका राष्ट्राध्यक्ष हु चिन थाऊले आज बाह्र तारिखका दिन चीनको सान यान नगरमा बोल्दै तिब्बती मामिला चीनको आन्तरिक मामिला हो र केन्द्रीय सरकार तथा दलाइ गूट बीचको अन्तर्विरोध जातीय समस्या अथवा धार्मिक समस्या वा मानव अधिकार सम्बन्धी समस्या होइन र यो अन्तर्विरोध चाहिं मात्रृभूमिलाई पृथक पार्ने तथा मात्रृभूमिको एकीकरणको संरक्षण गर्ने बीचको समस्या हो भन्ने अडान व्यक्त गर्नुभएको छ।

       राष्ट्राध्यक्ष हु चिन थाऊले आज सान यान नगरमा चीनको भ्रमणमा रहनुभएका अस्ट्रेलियाली प्रधान मन्त्री केभिन रुदसँग कुराकानी गर्दै उक्त कुरा भन्नुभएको हो।

       राष्ट्राध्यक्ष हुले केन्द्रीय सरकार तथा दलाइ बीच वार्ता गरिने ढोका खुला अझै पनि भइरहेको र दुइ पक्ष बीचमा रहेको वार्ताको बाधा दलाइ पक्षमै भएको कुरामा जोड दिनुभयो। उहाँले भन्नुभयोः दलाइले सदिच्छा लिएको खण्डमा आफ्नो सदिच्छालाई व्यवहारमा उतार्नुपर्ने छ। दलाइ पक्षले मात्रृभूमिलाई पृथक पार्ने गतिविधि हिंसात्मक गतिविधिलाई उक्साउने गतिविधि तथा पैचिङ्ग ओलम्पिक खेलकूदलाई ध्वस्त पार्ने गतिविधिलाई बन्द गरेको खण्डमा दलाइसँग निरन्तर वार्ता गर्ने हाम्रो इच्छुक रहेको छ।

       उक्त भेटमा अस्ट्रेलियाली प्रधान मन्त्री रुदले अस्ट्रेलियाले तिब्बत तथा थाइवानको सार्वभौमसता चीनसँग भएको कुरालाई पूर्ण स्वीकार गरी एक चीन भन्ने नीतिको परिवर्तन नगर्ने कुरामा जोड दिनुभएको छ। साथै उहाँले पैचिङ्ग ओलम्पिक खेलकूद सफल हुने शुभकामना पनि व्यक्त गर्नुभएको छ।