तिब्बती विश्वविद्यालय मातहत आधुनिक शिक्षा एवम् प्रविधि केन्द्रका प्रमुख नीमा ब्रासीले केही दिनअघि बोल्दै भन्नुभयोः सरकारको सशक्त समर्थनमा एक हजार तीन सय वर्ष पुरानो तिब्बती भाषाले सूचनामूलक युगमा प्रवेश गर्नुका साथै त्यसको परम्पराको बिंडो थामिरहेको छ।

            प्राप्त जानकारीअनुसार, तिब्बती भाषा चीनका अल्पसंख्यक जातिहरुका अक्षरहरुमध्ये अन्तर्राष्ट्रिय मापदण्ड, विश्वभरिको सूचनामूलक उच्च गतिको मार्गमा प्रयोग हुने प्रमाणपत्र पाएको पहिलो भाषा हो। सन् दुई हजार चारमा परिचालन भएको तिब्बती भाषाको सोफ्टवेयरको अनुसन्धान र विकास कार्य अहिलेसम्म विशेषज्ञहरुले गरिरहेका छन्। यसबाट तिब्बती भाषा र हान जातिको भाषासम्बन्धी सूचना एकैसाथ विकास हुने आधार तयार पारिएको छ ।

            अहिलेसम्म तिब्बती भाषाका मोबाइल, कम्प्युटर, नेट हेर्ने उपकरण जस्ता सम्बन्धित कार्य विकसित हुदैआएको छ।