पाकिस्तानको ओलम्पिक समितिका अध्यक्ष सएद अरिफ हासानले हिजो पैचिङ्ग ओलम्पिक खेलकुदको पवित्र राँकोलाई इस्लामावादमा सूचारुरुपमा घुमाइने कार्यक्रमलाई प्रत्याभूत गर्न पाकिस्तानले सबै आवश्यक कदम चाल्ने कुरा बताउनुभएको छ। यसका साथै, उहाँले पाकिस्तानभित्र ओलम्पिक खेलकुदको पवित्र राँकोको अन्तिम रिले मार्ग र योजना सार्वजनिक गर्नुभयो।

            हिजो आयोजित एउटा पत्रकार सम्मेलनमा श्री हासानले इस्लामावादमा पैचिङ्ग ओलम्पिक खेलकुदको पवित्र राँकोको रिले कार्यक्रमको तयारीबारे जानकारी दिनुभयो। उहाँका अनुसार, पाकिस्तानभित्र पवित्र राँको घुमाउने व्यक्तिहरुको संख्या पैंसठ्ठी रहेको छ भने हाल रिले कार्यक्रमको सबै तयारी कार्य पूरा भइसकेको छ।

            पूर्व निर्धारित योजनानुसार, पैचिङ्ग ओलम्पिक खेलकुदको पवित्र राँको भोलि विहान पाकिस्तानको राजधानी इस्लामावाद पुग्नेछ। स्थानीय समयअनुसार, भोलि दिउँसो चार बजेतिर रिले कार्यक्रमको आयोजना गरिने योजना छ।