चीनको परराष्ट्र मन्त्रलायका प्रवक्ता च्यांग युले पन्ध्र तारिखका दिन पैचिंगमा आयोजित नियमित पत्रकार सम्मेलनमा बोल्दै भारतमा ओलम्पिक खेलकुदको राँको घुमाउँदा भारतका सम्पूर्ण जनताले समर्थन गर्ने र भारतीय पक्षले प्रभावकारी रुपमा साथ दिने विश्वास चीनले गरेको छ भन्नुभयो। च्यांग युले पत्रकारको सम्बन्धित प्रश्नको जवाफ दिंदै उक्त कुरा बताउनुभएको छ।

             उहाँले भन्नुभयोः केही वर्ष यता चीन र भारतबीचको सम्बन्धको विकासमा राम्रो प्रवृत्ति देखापरेको छ भने चीन र भारत दुबै पक्षले विभिन्न तहमा गहनरुपमा आदान-प्रदान गर्दैआएका छन। ओलम्पिक खेलकुदको आयोजना गर्ने समस्यामा भारतले पटक-पटक गरी के कुरा व्यक्त गर्नेगरेको छ भने, ओलम्पिक खेलकुदको राँको भारतमा घुमाउनु भारतीय जनताको इज्जत हो। भारतले यस पवित्र राँको भारतमा घुमाउने कार्यलाई निकै महत्व दिएको छ। यसतर्फ चीन र भारतले गहनरुपमा सामन्जस्य गर्दैआएका छन।

             च्यांग युले अगाडी भन्नुभयोः भारतले प्रभावकारी रुपमा ओलम्पिक खेलकुदको पवित्र राँको घुमाउने कार्यलाई सुचारु रुपमा अघि बढाउनका लागि प्रभावकारी कदम चाल्ने विश्वास चीनले गरेको छ। तिब्बतको स्वतन्त्रता पक्षधर तत्वहरुले भारतमा राँको घुमाउने कार्यलाई बिथोलेमा उनीहरुको पृथकतावादी र ओलम्पिकलाई बिथोल्नखोज्ने उनिहरुको वास्तविक अनुहार छर्लंग हुनेछ।