केही समयदेखि यता फ्रान्सका केही संचार माध्यमले प्यारिसमा ओलम्पिक खेलकुदको पवित्र राँको घुमाउने कुरा बारे नकारात्मक समाचार दिएका छन् भने चिनियाँ प्रवासी र चिनियाँ मूलका विदेशीहरुले त्यसप्रति कडा रोष व्यक्त गरेका छन। आजको परराष्ट्र मन्त्रालयको नियमित पत्रकार सम्मेलनमा चिनियाँ जन-साधारणले फ्रान्सका सामानहरुको प्रतिरोध गर्ने अपील बारे के कस्तो टिप्पणी छ भनेर पत्रकारव्दारा सोधिएका प्रश्नको जवाफ दिंदै च्यांग युले भन्नुभयोः केही कारणले गर्दा चिनियाँ जन-साधारणको यो भावना सार्वजनिक भएको हो। मलाई के विश्वास छ भने, चीनका जनता कानूनको परिधिभित्र रहेर उचित उपाय मार्फत उनीहरुको उचित माग अभिव्यक्त गर्नपाउँछन।

              फ्रान्सले चिनियाँ जनताको आवाज सुनेर केही समस्यामा वस्तुगत र निष्पक्ष अडान लिने, तथ्यको सम्मान गर्ने, कालो-सेतो छुट्याउने र धेरै मुलुक जस्तै चीन सरकारको जायज अडानलाई बुझ्ने र त्यसको समर्थन गर्ने आशा चीनले गरेको छ।