चीनको परराष्ट्र मन्त्रालयका प्रवक्त च्यांग युले चीनमाथि प्रहार गर्ने भनाइलाई फिर्ता लिनुका साथै सम्पूर्ण चिनियाँ जनतासमक्ष क्षमा माग्न चीनले सी.ऐन.ऐन. का सञ्चालकलाई आग्रह गरेको कुरा बताउनुभयो। उहाँले आज पैचिङ्गमा आयोजित नियमित पत्रकार सम्मेलनमा उक्त कुरा बताउनुभएको हो।

             सो अवसरमा प्रवक्ता च्यांग युले सी. ऐन. ऐन. का सञ्चालक च्याक काफेर्टीले क्रुर शब्दमा चिनियाँ जनतामाथि प्रहार गरेकोमा चीनले आश्चर्य व्यक्त गर्नुका साथै‍ त्यसको निन्दा गरेको कुरा बताउँदै यसले चीनभित्र र बाहिर बस्ने चिनियाँहरुको कडा रोष जगाउनुका साथै सारा विश्वका न्यायप्रेमी जनतालाई क्रोधित बनाएको कुरा पनि औंल्याउनु भयो।