तिब्बती बौद्ध धर्मको गेयु सेक्ट समूहका अवतारी लामा शिन्जा टेन्जन चोएटाले हालै पत्रकारहरुसँग कुराकानी गर्दै दलाई गूटले ओलम्पिक खेलकुदलाई बिथोल्ने उद्देश्यले गरेका गतिविधिबाट मानिसको मन नजितेको कुरा बताउनुभएको छ।

             यसका साथै उहाँले प्राचीन कालदेखि तिब्बत चीनको एउटा अविभाज्य भाग हो भन्दै तिब्बतको शान्तिपूर्ण मुक्ति र विशेष गरी सुधार तथा खुलापनको नीति लागू भएदेखि यता तिब्बतको सामाजिक विकास स्थीररुपमा हुनुका साथै स्थानीय जनताको जीवन आनन्दमय हुँदैगएको कुरा बताउनुभएको छ। पैचिङ्ग ओलम्पिक खेलकुदको आयोजना गर्नु हजारौं वर्षदेखि यता चीन राष्ट्रको महत्वपूर्ण संकल्प हो भन्दै उहाँले यो संकल्पलाई बिथोल्ने गतिविधिले चिनियाँहरुको मन जित्न नसक्ने कुरा औंल्याउनुभयो।