|
मलेशियाको ओलम्पिक समितिका महासचिव शे को चोंगले हालै चिनियाँ पत्रकारसित कुराकानी गर्दै खेलकुदलाई राजनीतिको साधन बनाउनु नहुने कुरा बताउनुभएको छ। उहाँले ओलम्पिक खेलकुदको बहिष्कार गर्नु खालि खेलाडीहरुलाई क्षति पुर्याउनु हो भन्नुभयो।
उहाँका अनुसार, खेलाडीहरुको खेल-जीवन निकै छोटो हुन्छ। धेरै वर्षसम्म मेहनत र दुःख-कष्ट झेलेर अभ्यास गर्नुको उद्दश्य हो, अन्तर्राष्ट्रिय प्रतियोगितामा आफ्नो क्षमता प्रदर्शन गर्नु र किर्तिमान कायम गर्ने प्रयास गर्नु अनि आफ्नो मुलुक तथा जनताका लागि सेवा गर्नु हो। बहिष्कारका कारण खेलाडीले ओलम्पिक खेलकुदमा भाग लिने अवसर गुमाएमा उसको जोस जाँगर गुम्ने सम्भावना हुन्छ।
शे को चोंगले एशियाली मुलुकको हैसियतले चीनमा ओलम्पिक खेलकुदको आयोजना हुनलागेकोमा मलेशिया गौरवान्वित भएको कुरा बताउनुभयो। उहाँले अगष्ट महिनामा पैचिंगमा आयोजना हुने ओलम्पिक खेलकुदमा मलेशियाली खेलाडीहरुले स्वर्ण पदक प्राप्त गर्नसक्ने आशा पनि व्यक्त गर्नुभएको छ।
|
