|
पैचिंग ओलम्पिकको पवित्र राँको भोलि सत्र तारिखका दिन भारतको राजधानी नयाँ दिल्ली पुग्नेछ। भारत ओलम्पिकको पवित्र राँको घुमाउने एघारौं विदेशी मुलुक हो। नयाँ दिल्लीमा पवित्र राँको घुमाउने कार्यक्रमा सहभागी हुने भारतस्थित चिनियाँ राजदूत चांग यानले नयाँ दिल्लीमा ओलम्पिक खेलकुदको पवित्र राँको घुमाउने मार्ग तोकिएको कुरा प्रमाणित गर्नुभयो।
श्री चांग यानले ओलम्पिकको पवित्र राँको घुमाउने मार्ग राष्ट्रपति भवनदेखि भारत द्बारसम्मको बाटो तोकिएको जानकारी दिनुभयो। उहाँले यो बाटो भारतमा सबैभन्दा सुन्दर हुनुका साथै यो भारतको छवि देखाउनसक्ने ठाउँ पनि हो भन्नुभयो। यस ठाउँमा पवित्र राँको घुमाउने ठाउँका रुपमा छानिएकोमा यसलाई भारतले निकै महत्व दिएको कुरा प्रतिबिम्ब भएको छ।
श्री चांग यानले भन्नुभयोः भारत सरकार र भारतीय जनताले चीनले ओलम्पिक खेलकुदको आयोजना गर्ने कुरालाई निकै दृष्टि पुर्याएका छन। पैचिंगले ओलम्पिक खेलकुदको आयोजना गर्नु चीनको मात्र नभई एसियाकै लागि गौरवको कुरा हो।
|
