चीनको परराष्ट्र मन्त्रालयका प्रवक्ता च्यांग युले आज पैचिंगमा बोल्दै दलाई पक्षसित वार्ता गर्ने सम्बन्धमा चीनको केन्द्रीय सरकारको ढोका खुला छ भन्दै दलाईले मातृ-भूमिलाई पृथक गर्ने गतिविधि त्याग्ने, पैचिंग ओलम्पिक खेलकूदलाई बिथोल्ने गतिविधि नगर्ने र हिंसा भड्काउने काम नगर्ने हो भने चीनको केन्द्रीय सरकार उससित सम्पर्क र छलफल गर्न इच्छुक रहेको कुरा बताउनुभयो। आज आयोजित परराष्ट्र मन्त्रालयको नियमित पत्रकार सम्मेलनमा च्यांग युले उक्त कुरा बताउनुभएको हो।
उहाँले भन्नुभयोः चीनको केन्द्रीय सरकारले दलाई पक्षसित सम्पर्क र छलफल गर्ने सम्बन्धमा सधैं नै सदिच्छा देखाएको छ र धैर्यता कायम गरेको छ। तर दलाई पक्षले भने केन्द्रीय सरकारको नीतिप्रति कहिल्यै पनि सकारात्मक प्रतिक्रिया जनाएको छैन।
|