लाह्सा शहरको सार्वजनिक सुरक्षा विभागका उप प्रमुख च्यांग जाई फिंगले अठार तारिखका दिन आयोजित प्रेस सम्मेलनमा जानकारी दिंदै भन्नुभयोः अहिलेसम्म मार्च चौध तारिखको कुटपिट , भताभंग , लुटपाट र आगजनी गर्ने काण्डमा मुछिएका तीन सय पैंसठीजना शंकास्पद व्यक्तिहरुले आत्म समर्पण गरेका छन् ।
यसका अतिरिक्त प्राप्त प्रमाण अनुसार उक्त काण्डमा मुछिएका एक सय सत्तरीजना शंकास्पद अपराधीहरुलाई गिरफतारको सूचना जारी गरिएको छ । ती मानिसहरुमध्ये बयासीजनालाई पक्राउ गरिएको छ भने एघारजनाले आत्म समर्पण गरेका छन् ।
श्री च्यांग चाई फिंगका अनुसार स्वतः आत्म समर्पण गरेका तीन सय पैंसठीजना शंकास्पद अपराधीहरुमध्ये केही त उक्त हिंसात्मक काण्डका संगठन गरेका र भड्काएका मानिस हुन् र केहीले त अपराधी गतिविधि गरेका मुख्य अपराधी हुन् । तर धेरै जसो त आंखामा छारो हालिएको , ठग्ग गरिएको र बाध्यतावशः भाग लिएका हुन् ।
अहिले लाह्साको सामाजिक अवस्था शान्त छ।
|