स्थानीय समय अनुसार आज विहान सबेरै पैचिङ्ग ओलम्पिक खेलकूदको पवित्र ज्योतिवाहक विशेष विमान थाइल्याण्डको राजधानी बैंककबाट मलेशियाको राजधानी क्वालालुम्पुरमा पुगेको छ। यसरी नै चीनबाहिर पवित्र ज्योति रिले कार्यक्रमको तेह्रौं मुकाममा हुने रिले कार्यक्रम शुरु भएको छ।

        मलेशियाको सम्बन्धित विभागले क्वालालुम्पुर अन्तर्राष्ट्रिय विमानस्थलमा एउटा स्वागत समारोहको आयोजना गरेको छ। मलेशियास्थित चिनियाँ राजदूत छङ यौड ह्वा तथा क्वालालुम्पुर नगरका मेयर हाकीम बोर्हानले विमानस्थलमै पवित्र ज्योतिको स्वागत गर्नुभएको छ।

        मलेशियामा हुने पवित्र ज्योति रिले कार्यक्रम स्थानीय समय अनुसार भोली दिउँसो दुइ बजेतिर शुरु हुने भएको छ। उक्त रिले कार्यक्रमको कुल दूरी तेह्र दशमलब सात किलोमिटर जति छ र त्यस क्रममा जम्मा गरी असी जना व्यक्तिले भाग लिने भएका छन।

       उक्त रिले कार्यक्रम भएपछि पैचिङ्ग ओलम्पिक खेलकूदको पवित्र ज्योति भोली अर्को मुकाम इन्डोनेशियाको राजधानी जकार्तातिर प्रस्थान गर्ने कार्यक्रम छ।