हालै केही विदेशी संचार माध्यम र विशेषज्ञहरुले एकपछि अर्को गरी लेख वा कुराकानीमार्फत चीनको तिब्बतमा गराइएको मार्च चौधको घटना तथा पैचिंग ओलम्पिक खेलकूदको राँको रिले कार्यक्रम शुरु भएको चरणमा केही पश्चिमी संचार माध्यमले चीन विरुद्ध बंग्याएर दिएको समाचार बारे मनन चिन्तन गरेका छन।

            सिंगापुरको "लेन ह चाउ पाउ" समाचार पत्रले हिजो टिप्पणीकारको लेख प्रकाशित गर्दै औंल्याएको छ- धेरै पश्चिमी सर्वसाधारणहरुले आफूकहाँका संचार माध्यमले चीनसम्बन्धी नकारात्मक समाचार मात्र दिएको र सकारात्मक समाचार नदिएकोमा बुझ्न सक्दैनन।

           ए एफ पीले पनि हिजो टिप्पणीकारको लेख प्रकाशित गर्दै भनेको छ- चीन र फ्रान्सले ओलम्पिकको राँको रिले गर्ने क्रममा उठेको क्रोधित भावलाई हटाउन प्रयास गरिरहेका छन तर पेरिसले भने दलाईलाई एक इज्जत दिएर यस्तो प्रयासमाथि बन्चरो हान्ने काम गरेको छ।

           द हिन्दुका प्रधान सम्पादक नारासिमहान रामले एकाइस तारिख कुराकानी गर्दै भन्नुभएको छ- वितेका दिनहरुमा पश्चिमी संचार माध्यमले मार्च चौधको घटनाका सम्बन्धमा जुन समाचारहरु दिएका थिए, तिनको एउटा स्पष्ट विशेषता छ, र त्यो के हो भने ती समाचारहरुमा दलाई गूट तथा "तिब्बतको स्वतन्त्रता पक्षधर" समर्थितहरुबाट जानाजानी प्रस्तुत गरिएका झुठो समाचारहरुले भरिपूर्ण छ।

           जर्मन वैदेशिक संघका चीनसम्बन्धी प्रसिद्ध विशेषज्ञ एबोर्बोर्ड सान्दश्नाइडले हालै पश्चिमी संचार माध्यम र सर्वसाधारणहरुसँग वस्तुगत रुपमा चीनलाई हेर्न आव्हान गर्नुभएको छ।