चीनको परराष्ट्र मन्त्रालयका प्रवक्ता च्याङ युले सैनिक सामग्रीको निर्यात गर्दा चीनले उत्तरदायीपूर्ण तथा होशियार धारणा लिएर निर्यातको व्यवस्थापन अवस्थाको अक्षरशः पालना गरिरहेको कुरा बताउनुभएको छ।

      आज पैचिङ्गमा आयोजित नियमित पत्रकार सम्मेलनमा बोल्दै च्याङ युले हालै यूरोपेली संसदमा पारित चीनले अफ्रिकालाई बेचेको सैनिक सामग्रीबारेमा पत्रकारद्बारा सोधिएको प्रश्नको जवाफ दिँदा उक्त कुरा भन्नुभएको छ।

      उहाँले चीन सरकारले राष्ट्र संघको सम्बन्धित निर्णय-प्रस्तावको अक्षरशः पालना गर्दैआएको छ र सुरक्षा परिषदद्बारा तोकिएको अस्त्रको ढुवानी निषेध मुलुकलाई कहिले पनि हतियार बेचेको छैन भन्नुभयो। यूरोपेली संसदमा पारित सम्बन्धित निर्णय-प्रस्ताव आधारहीन तथा गैर-जिम्मेवार भएको ठहर प्रवक्ता च्याङ युले व्यक्त गर्नुभयो।