चीनको परराष्ट्र मन्त्रालयका प्रवक्ता छिन काङले आज पैचिङ्गमा बोल्दै पहिले ओलम्पिक खेलकुदको सं‍योजक मुलुकमा लागू भएको नियम तथा अन्तर्राष्ट्रिय क्षेत्रमा आयोजित ठूला ढाँचाका खेलकुद प्रतियोगितासम्बन्धी नियममा आधारित भै चीनको सम्बन्धित कानूनवमोजिम चीनले चीनमा प्रवेशका लागि उचित बन्दोबस्त गरेको कुरा बताउनुभयो।

      आज आयोजित नियमित पत्रकार सम्मेलनमा पत्रकारद्बारा सोधिएको सम्बन्धित प्रश्नको जवाफ दिँदै उहाँले चीनले चीनमा प्रवेशका लागि प्रवेशाज्ञाको जाँचका क्रममा अझ होसियारी अपनाइरहेको कुरा धेरै पटक चीनमा प्रवेश गर्नपाइने भिसालाई पूर्णरुपमा स्थगित गर्नु होइन, बरु त्यसको उद्देश्य आयोजना हुने पैचिङ्ग ओलम्पिक खेलकुदका अवधिमा चीनमा एउटा सुरक्षित वातावरण सिर्जना गर्ने कुरालाई प्रत्याभूत गर्नु मात्र हो भन्नुभयो।

       उहाँले प्रवेशाज्ञासम्बन्धी नीति कुनै पनि देशको आन्तरिक कुरा हो। त्यसैले सम्बन्धित मुलुक वा व्यक्तिले यस कुरालाई बुझेर सहयोग गर्ने आशा उहाँले व्यक्त गर्नुभयो। साथै उहाँले चीन विश्वका विभिन्न मुलुकका जनताका लागि खुला हुँदैजाने कुरा बताउँदै उनीहरु चीनमा काम गर्न, अध्ययन गर्न, घुमफिर गर्न आउनसक्ने कुरा स्पष्ट पार्नुभयो।