बितेका केही वर्षदेखि यता तिब्बतले कृषि तथा पशुपालन क्षेत्रको स्वास्थ्यसम्बन्धी आधारभूत प्रबन्धको निर्माणलाई सबल पार्नुका साथै सोही क्षेत्रको चिकित्सा सेवामा पनि सुधार गरेको देखिन्छ। ती परिवर्तनबाट व्यापक किसान तथा पशुपालकहरु लाभान्वित भएका छन।

      उक्त समाचार तिब्बतको स्वास्थ्य विभागबाट प्राप्त गरिएको हो।

      चालू वर्षको शुरुमा तिब्बत स्वायत्त प्रदेशले दुइ करोड सोह्र लाख चिनियाँ युआन बराबरको रकम छुट्‌याई तिब्बतका चौहत्तरवटा जिल्लाका स्वास्थ्य सेवा केन्द्रका लागि कृषि तथा पशुपालन क्षेत्र उपयुक्त आकस्मिक सेवाको गाडी प्रदान गरेको छ। तिब्बतको स्वास्थ्य सेवाको इतिहासमा एकै चोटी सबैभन्दा ठूलो परिधि तथा संख्यामा आकस्मिक सेवाका लागि गाडी उपलव्ध गराइएको यो पहिलो पटक हो।

      तिब्बत स्वायत्त प्रदेशको स्वास्थ्य विभागका प्रमुख प्रुबा द्रोल्माले जानकारी दिनुभएअनुसार, गत वर्ष तिब्बतमा स्थापित नयाँ क्लिनिकको संख्या पैंसट्ठी पुगको छ र सोही अवधिमा पच्चीसवटा स्वास्थ्य सेवा केन्द्रको सुधार तथा विस्तार गरिएको छ। यसका अतिरिक्त, बढी उचाइका क्षेत्रमा रहेका जिल्लास्तरीय चिकित्सा संस्थाहरुका लागि अक्सिजनको व्यवस्था गरिनुका साथै पाँच हजार गाँउ-बस्तीका चिकित्सा केन्द्रका लागि आधारभूत चिकित्सा सामग्रीको बन्दोबस्त गरिएको छ।

      थाहा भएअनुसार, तिब्बतले यस वर्ष चिकित्सा तथा स्वास्थ्य कार्यलाई मुख्यतया ग्रामीण क्षेत्रमा विस्तारग गर्दैजाने र सार्वजनिक स्वास्थ्य तथा आधारभूत उपचारका लागि अठचालिस लाख चिनियाँ युआन बराबरको रकम छुट्याउने भएको छ। यो गत वर्षको सोही अवधिको तुलनामा पचपन्न प्रतिशतले बढी हो।