पैचिंग समयअनुसार, आज बाह्र तारिख दिउँसो दुई बजेर अट्ठाइस मिनेट जाँदा चीनको स छुआन प्रान्तको वन छुआन जिल्लामा 7.8 रेक्टर स्केलको भूकम्प भएको छ। यस भूकम्पको झट्का निकै टाढासम्म अनुभव गरिएको छ। चीनको निंग स्या, छिंग हाई, शान्हाई आदि दशभन्दा बढी प्रान्त र शहरहरुमा यस भूकम्पको कम्पन अनुभव गरिएको छ। भूकम्पबाट हुन गएको जन-धनको क्षतिबारेको तथ्यांक संकलन गरिंदै छ।

         भूकम्प भएपछि चीनका राष्ट्राध्यक्ष हु चिन थाउले तत्कालै महत्वपूर्ण निर्देशन दिंदै सकेसम्म छिटो घाइते भएका मानिसहरुको उपचारको व्यवस्था गर्न र प्रकोपग्रस्त क्षेत्रका मानिसहरुको जीउ-ज्यानको आवश्यक सुरक्षाको प्रवन्ध मिलाउन सम्बन्धित निकायसँग आग्रह गर्नुभएको छ। चीनका प्रधान मन्त्री वन च्या पाउ प्रकोप प्रभावित क्षेत्रमा उद्धार कार्यको निर्देशनका लागि प्रकोपग्रस्त क्षेत्रतर्फ जाँदैहुनुहुन्छ।

         यसका अतिरिक्त, चीनको भूकम्प विभागले पहिलो स्तरको पूर्वयोजना संचालन गर्दै प्रकोपग्रस्त क्षेत्रमा कार्य-टोली पठाएको छ।

          वन छुआन जिल्ला स छुआन प्रान्तको सदरमुकाम छंग तु शहरदेखि एक सय किलोमिटर उत्तर-पश्चिमिमा पर्दछ जहाँको जनसंख्या एक लाख दश हजारभन्दा बढी छ।