पैचिंग समयअनुसार, आज बाह्र तारिख दिउँसो दुई बजेर अट्ठाइस मिनेट जाँदा चीनको स छुआन प्रान्तको वन छुआन जिल्लामा 7.8 रेक्टर स्केलको भूकम्प भएको छ। यस भूकम्पको झट्का निकै टाढासम्म अनुभव गरिएको छ। चीनको निंग स्या, छिंग हाई, शान्हाई आदि दशभन्दा बढी प्रान्त र शहरहरुमा यस भूकम्पको कम्पन अनुभव गरिएको छ। आज बेलुकी ६ बजेसम्म भूकम्पबाट स छुआन , कान सु , छुंग छिंग बदि क्षेत्रका एक सय सात जनाको ज्यान गएको छ।

        भूकम्प भएपछि चीनका राष्ट्राध्यक्ष हु चिन थाउले तत्कालै महत्वपूर्ण निर्देशन दिंदै सकेसम्म छिटो घाइते भएका मानिसहरुको उपचारको व्यवस्था गर्न र प्रकोपग्रस्त क्षेत्रका मानिसहरुको जीउ-ज्यानको आवश्यक सुरक्षाको प्रवन्ध मिलाउन सम्बन्धित निकायसँग आग्रह गर्नुभएको छ। चीनका प्रधान मन्त्री वन च्या पाउ छङ तुमा उद्धार कार्यको निर्देशनका लागि प्रकोपग्रस्त क्षेत्रमा पुग्नुभएको छ । चिनियाँ सेना मातहत जरुरत कार्यको सामनासम्बन्धी कार्यालयका अधिकारीले जानकारी दिएअनुसार, भूकम्प गएपछि चिनियाँ जन-मुक्ति सेनाको चीफ अफ जनरल स्टाफको मुख्यालयको जरुरी अवस्थाका सामनासम्बन्धी पूर्व योजना छिटै संचालन गरिएको छ। छंग तु सैनिक विभागले प्रकोपको अवस्थाबारे जानकारी लिन भूकम्प केन्द्रमा कार्यकर्ता पठाउनुका साथै प्रकोपको अवस्थाबारे थाहा पाउन हेलिकोप्टर उडान पनि शुरु गराएको छ।

         यसका अतिरिक्त, चीनको भूकम्प विभागले पहिलो स्तरको पूर्व योजना संचालन गर्दै प्रकोपग्रस्त क्षेत्रमा कार्य टोली पनि पठाएको छ । प्रकोपको सामनासम्बन्धी राष्ट्रिय समिति र जन-मामिलासम्बन्धी मन्त्रालयले प्रकोप उद्धार कार्य-टोली गठन गरेर प्रकोपग्रस्त क्षेत्रमा पठाएका छन। चीनको रेडक्रस सोसाइटीले प्राकृतिक प्रकोपबाट उद्धार गर्ने र सहायता दिनेसम्बन्धी पहिलो स्तरको पूर्व योजना संचालन गर्दै आठ लाख युआन बराबरका सामानहरु प्रकोप ग्रस्त क्षेत्रमा पठाउँदैछन।

        प्राप्त जानकारीअनुसार, यांग सी नदीको सान स्या बाँधमा प्रभाव परेको छैन।

          वन छुआन जिल्ला स छुआन प्रान्तको सदरमुकाम छंग तु शहरदेखि एक सय किलोमिटर उत्तर-पश्चिमिमा पर्दछ जहाँको जनसंख्या एक लाख दश हजारभन्दा बढी छ।