चीनका प्रधानमन्त्री वन च्या पाउले आज विहान सात बजे राज्य परिषदको भूकम्पको प्रतिरोध र उद्धारसम्बन्धी निदर्शेन बैठकको अध्यक्षता गर्नुभयो। सो अवसरमा प्रधानमन्त्री वन च्या पाउले स छुआन प्रान्तको वन छुआन जिल्लामा भएको भूकम्प ठूलो प्राकृतिक प्रकोप भएको कुरा बताउनुभयो। प्रधानमन्त्री वन च्या पाउले चीन सरकारले उद्धार सामग्री प्रकोपग्रस्त क्षेत्रतर्फ पठाउन सक्दो प्रयास गर्ने कुरा बताउनुभयो।

          प्रधानमन्त्री वन च्या पाउले आज राती बाह्र बजेअघि प्रकोपग्रस्त क्षेत्रहरुतिर जाने बाटोमा रहेको बाधा हटाउनुपर्ने, भूकम्पको प्रतिरोध र उद्धार कार्यलाई तिव्र पार्नुपर्ने कुरामा जोड दिनुभयो।

          श्री वन च्या पाउले सेनाले बाटोमा रहेको बाधा हटाउन सक्दो प्रयास गर्नुपर्ने र भूकम्पको प्रकोपग्रस्त क्षेत्रहरुमा प्रवेश गर्नुका साथै खाद्यान्न, औषधी र अन्य जरुरी सामग्री विमानद्बारा प्रकोपग्रस्त क्षेत्रहरुमा तुरुन्तै पुर्‍याई वितरण गर्नुपर्ने कुरामा जोड दिनुभयो।