चीनको सछुआन प्रान्तको वन छुआनमा हिजो आएको सात दशमलब आठ रिक्टर स्केलको भूइँचालोमा परी धेरैजना हताहत भएका छन। चीनको रेडक्रस सोसाइटीले समाजका विभिन्न क्षेत्रले सँगसँगै मिलेर भूइँचालोबाट प्रभावित क्षेत्रका मानिसहरुका लागि उद्धार सामग्री प्रदान गर्न र उनीहरुलाई सहायता दिने आह्वान गरेको छ।

            रेडक्रस सोसाइटीका अनुसार, भूइँचालोबाट प्रभावित क्षेत्रमा हालसम्म पाल, सिरक, खानेपानी, चिकित्सा सामग्री, किटाणु मार्ने झोल, जरुरी खाद्यान्न लगायतका सामग्री सबैभन्दा छिटो पुर्‍याउनुपर्ने सामग्री हुन। वर्तमान ढुवानीको अवस्था सिमित भएकाले नगद सहायता दिन आग्र गरिएको छ।

             भूइँचालो आएपछि चीनको रेडक्रस सोसाइटी संघले छङ तुङ उद्धार केन्द्रबाट पाल, सिरक लगायतका सामग्री प्रभावित क्षेत्रतर्फ पठाइसकेको छ, साथै उद्धार टोली पनि पठाइसकेको छ।