|
चीनको स छ्वान प्रान्तमा भूकम्प भएपछि अन्तर्राष्ट्रिय समुदायले हिजो प्रकोपको प्रतिरोध तथा उद्धार कार्यका लागि चीनलाई आर्थिक तथा मानवीय सहायता उपलव्ध गराउने वचनबद्धता व्यक्त गरेको छ।
अमेरिकी व्हाइट हाउसका प्रवक्ता श्रीमती दाना पेरिनोले हिजै अमेरिकाले चीनलाई पाँच लाख अमेरिकी डलरको सहायता दिने घोषणा गर्नुभयो।
नर्वेको विदेश मन्त्रालयले नर्वे सरकारले चीनलाई झण्डै उनान्चालीस लाख अमेरिकी डलरको सहायता दिने योजना गरेको जानकारी दिएको छ।
जर्मनीले जर्मनीको रेडक्रस सोसाइटीमार्फत चीनको भूकम्पग्रस्त क्षेत्रलाई पाँच लाख यूरो सहायतास्वरुप उपलब्ध गराइसकेको कुरा जर्मन सरकारले जनाएको छ।
बेल्जियमको विदेश मन्त्रालयद्बारा प्रकाशित विज्ञप्तिमा बेल्जियमले चीनलाई दुइ लाख पचास हजार यूरोको सहायता उपलब्ध गराउने कुरा जनाएको छ।
फ्रान्सेली विदेश मन्त्रालयले एउटा विज्ञप्ति जारी गरी चीनका लागि आवश्यक उद्धारकर्ता, सामग्री तथा माल-सामान उपलब्ध गराउनसक्ने कुरा जनाएको छ।
युक्रेनका जरुरी मामिलासम्बन्धी मन्त्री भोलोदभ्मिर शान्द्राले एक सय दुइजना चिकित्सक सम्मिलित घुम्ती अस्पताल चीन पठाउन युक्रेन सरकार तत्पर रहेको कुरा बताउनुभएको छ।
यसका अतिरिक्त, जापानका विभिन्न राजनैतिक पार्टी, स्थानीय सरकार तथा मैत्रीपूर्ण व्यक्तिहरुले चीनलाई चन्दास्वरुप आर्थिक सहायता दिनेभएका छन।
|
