सि छुआन प्रान्तमा भूइँचालोका केन्द्रीय क्षेत्र आ बा तिब्बती जातीय र छ्याँग जातीय स्वायत्त प्रिफेक्चरको वन छुआन जिल्लामा उद्धार कार्य शुरु भएको छ।

           वन छुआन जिल्लामा भूइँचालो गएपछि बाटो, विजुली र दूर सञ्चार सेवा बन्द भएको छ। एक लाखभन्दा बढी बासिन्दाहरु भएको वन छुआन जिल्लाले बाहिर क्षेत्रसँग सम्पर्क गर्नसकेको छैन।

            आज मध्यान्ह छँग तुस्थित सेनाको एक दूर सञ्चार टोलीले तारहिन टेलिफोन लिएर हेलिकोप्टरबाट वन छुआन जिल्लामा पुगी स्थानीय दूर सञ्चार सेवा शुरु गरेको छ। अरु कम्तिमा तीनवटा हेलिकोप्टर आवश्यक उद्धार सामग्रीसहित वन छुआन जिल्ला पुगेको छन।

             यसअघि एक तीसजना सैनिकको टोली हिजो दिउँसो पैदल वन छुआन जिल्लाको यिँग स्यु बस्ती पुगेर तीन सयजनाको ज्यान जोगाएको छ।

             आज विहान आठ बजेसम्म आठजनाभन्दा बढी प्रहरीले वन छुआन जिल्लामा उद्धार कार्य शुरु गरेका थिए। अन्य प्रहरी पनि त्यहाँ जाने बाटोमा छन।

              यसका अतिरिक्त, ठूलो मेशिनसहितका छ सयभन्दा बढी प्रहरीको मर्मत टोलीले लि जिल्ला र वन छुआन जिल्लाबीचको बाटोको मर्मत गरिरहेको छ। सो बाटो आज राति खुला गर्नसकिने अनुगमन गरिएको छ।

             भूकम्पका कारण बन्द रहेको छँग तु-वन छुआन रेल सेवा आज विहान साढे दश बजेदेखि पुनः शुरु भएको छ।