चीनका प्रधान मन्त्री वन च्या पाउले चौध तारिख विहान यस पल्टको भूकम्प भएको सबभन्दा गम्भिर क्षेत्रहरु मध्येको एक- पै छुआन जिल्ला पुग्नुभएर तत्स्थानमा उद्धार कार्यको निर्देशन गर्दैहुनुहुन्छ ।

         भूकम्पको कारण भत्केको पै छुआन माध्यमिक विद्यालय भवन नजिकै उभिएर श्री वन च्या पाउले भन्नुभयोः अहिलेसम्म प्रकोपको सामना गर्न र उद्धार गर्न पठाइएका उद्धारकर्मीहरुको संख्या एक लाग पुगेको छ। उनीहरुले हरेक जिल्ला, टाउन्सिप र गाउँहरुमा उद्धार कार्य गर्दै सक्दो प्रयासका साथ कठिनाइमा परेका जन-साधारणको जीवन रक्षा गर्नुपर्छ । मानिसहरुलाई जोगाउनु नै पहिलो महत्वपूर्ण काम हो ।

         श्री वन च्या पाउले भन्नुभयोः भूकम्पले पहाडलाई सार्न सक्छ , खोला-नालालाई पुर्नसक्छ तर जनताको संकल्पलाई हल्लाउन सक्दैन। एकताबद्ध भएर एक-अर्कालाई सहायता गर्दै संयुक्तरुपमा संघर्ष गरेर यस प्रकोपमाथि विजय हासिल गर्नु अवश्यम्भावी छ।