चिनियां कम्युनिष्ट पार्टीको केन्द्रिय समितिका महासचिव , चीनका राष्ट्राध्यक्ष तथा चिनियां कम्युनिष्ट पार्टकी केन्द्रिय सैन्य आयोगका अध्यक्ष हु चिंग थाउले सोह्र तारिख बिहान विमानव्दारा स व्छान प्रान्तको प्रकोपग्रस्त क्षेत्रमा पुगेर त्यहांका कामदार र सर्वसाधारहरुलाई सान्त्वना व्यक्त गर्नुका साथै भूइंचालोको प्रतिरोध र उद्धार कार्य गर्ने अघिल्लो मोर्चामा कार्यरत् सैनिकहरु , प्रहरीहरु तथा चिकित्साकर्मीहरुसित भेट्नुभएको छ । यसका अतिरिक्त उहांले भूइंचालोको प्रतिरोध र उद्धार कार्यका लागि निर्देशन पनि दिनुभएको छ ।

          हाल भूइंचालोको प्रतिरोध तथा उद्धार गर्ने कार्य नाजुक घडीमा पुगेको छ र हर घडी तथा सेकण्डमा कोशिश गरी सबै किसिमको दुखकष्ट र कठिनाईलाई खपी विजय पाउने प्रयास गर्नु पर्ने कुरामा हु चिंग थाउले जोड दिनुभयो ।

          उहांका अनुसार मानिसहरुको ज्यान बचाउनुलाई हालको सबैभन्दा जरुरत कामको रुपमा बनाउनु पर्छ र घाइतेहरुको उपचार गर्ने काम राम्ररी गर्नु पर्छ । यातायात , सञ्चार र विजुली जस्ता आधारभूत संरचनाको पुनर्स्थापना गर्नु पर्छ तथा सर्वसाधारहरुको आधारभूत जीवनमा देखापर्ने खांचोलाई राम्ररी पूरा गर्नु पर्छ ।