चीनको स छुआन प्रान्तको वन छुआन जिल्लामा 7.8 रेक्टर स्केलको भूकम्प गएपछि हाल अन्तर्राष्ट्रिय संगठनले चीनमा भूकम्प प्रकोपग्रस्त क्षेत्रमा रकम तथा सामानको चन्दा उठाएर चीन सरकार र जनताद्बारा प्रकोप उद्धारका लागि गरिएको प्रयासको समर्थन गरेको छ।

        जापानका पहिलो खेपका एकतीस जना तालिमप्राप्त उद्धारकर्ता आज बिहान प्रकोपबाट गम्भीर रुपमा प्रभावित क्वांग युआन जिल्लामा पुगेको छ। स छुआन प्रान्तको प्रकोपग्रस्त क्षेत्रमा उद्धार गर्न त्यहाँ पुगेको यो पहिलो खेपका तालिमप्राप्त उद्धार टोली हो।

         यसका अतिरिक्त रुस, गणतन्त्र कोरिया र सिन्गापुरका उद्धारकर्ता पनि आज स छुआनको प्रकोपग्रस्त क्षेत्र पुग्ने कार्यक्रम रहेको छ।

          त्यस्तै आज बिहान उद्धार सामान बोकिर दुइवटा विमान पाकिस्तानबाट चीनको स छुआन प्रान्त तर्फ उडेका छन।

           सँयुक्त राष्ट्र संघको युनिसेफले हिजो एउटा वक्तव्य प्रकाशित गरी चीनलाई पहिलो खेपका उद्धार सामान उपलव्ध गराउने घोषणा गरेको छ। ती सामान अठचालिस घण्टाभित्र प्रकोपग्रस्त क्षेत्रमा पुर्‍याइने छ।