चीनका लागि नेपालका राजदूत टंकप्रसाद कार्कीले चीनमा यहीं मे बाह्र तारिखका दिन भएको भूकम्पबाट ठूलो जन-धनको क्षति भएकोमा नेपाल सरकार, नेपाली जनता र व्यक्तिगतरुपमा आफ्नातर्फबाट पनि गहिरो दुःख व्यक्त गर्नुभएको छ।

         उहाँले यस दुःखद घडीमा आफूसहित सम्पूर्ण नेपाली जनता प्रकोप पिडित चिनियाँ जनताको पक्षमा उभिएका छौं भन्दै चिनियाँ नेतृत्वले पूरा राष्ट्र र विदेशी मित्रहरुको सहयोग र समर्थनमा गरिरहेको विश्वमा उदाहरणीय उद्धार कार्यको सराहना गर्नुभएको छ।

          राजदूत कार्कीले चिनियाँ जनता र नेतृत्वले यस दुःखद अवस्थाबाट छिट्टै पार पाउनसक्ने र चिनियाँ प्रकोप पिडित क्षेत्रका जनताको जीवन सकेसम्म छिटो सामान्य हुने कामना पनि गर्नुभएको छ।