हिजो राती बाह्र बजेसम्म भूईंचालोबाट स छ्वानमा रोकिएका दश हजारभन्दा बढी चिनियाँ तथा विदेशी पर्यटकहरुमध्ये नौ हजार सात सय बीस जना प्रकोप क्षेत्रबाट सुरक्षित रुपमा अन्तै सारिएको छ।

         स छ्वान तथा राष्ट्रिय पर्यटन विभागको छानबीनद्बारा भूईंचालो प्रकोप क्षेत्रमा रोकिएका पर्यटकको संख्य कूल दश हजार तीन सय छयासी भएको जनाइएको छ। त्यसमध्ये एक हजार त्रिहत्तर जना हंगकंग,मकाउ तथा थाइवान र विदेशी पर्यटकहरु रहेकाछन्। हिजो बाह्र बजेसम्म उनीहरुमध्ये नौ हजार सात सय बीस जना प्रकोप क्षेत्रबाट सुरक्षित रुपमा अन्यत्र गइसकेका छन्।

         चिनियाँ राष्ट्रिय पर्यटन व्यूरोका उपप्रमुख वाङ्ग च फाले हिजो पेइचिंगमा उक्त जानकारी दिनुभएको हो।

         तथ्याँकका अनुसार, भूईंचालोबाट एक जना थाइवानी पर्यटकलगायत चौवन्न जना आन्तरिक पर्यटकहरुको मृत्यु भएको छ। तर हालसम्म विदेशी पर्यटकहरुको मृत्यु भएको वा घाइते भएको जानकारी प्राप्त नभएको जनाइएको छ।