यूनिशेफबाट प्रदान गरिएको पहिलो चरणको सोह्र टनको उद्धार सामाग्री हिजो राति दुइटा सैन्य विमानद्बारा छन तु पुगिसकेको छ। रुसी चिकित्सा उद्धार विमान हिजो राति मोस्कोबाट स छ्वानको छन तुतिर आएको छ।

      अमेरिका सरकारले थप दश लाख अमेरिकी डलरको सहयता दिने निर्णय गरेको छ। उक्त सामाग्री भोलि विशेष विमानद्बारा छन तु आइपुग्ने जनाइउको छ।

      चीनमा भएको प्रकोपका लागि दिइएको उद्धार-सहयताको कूल संख्यलाई थप गरेर पन्ध्र लाख यूरो पुर्‍याउने निर्णय जर्मनी सरकारले गरेको छ। बेलायत सरकारले पनि थप दश लाख बेलायती पाण्डको उद्धार सामाग्री दिने भएको छ। पाकिस्तान सरकारले चीनलाई दश हजार वटा पाल जरुरी रुपमा प्रदान गर्ने निर्णय गरेको छ।

      त्यसबाहेक डेनमार्क, नर्वे, आइसल्याण्ड आदि मुलुकका सरकारले केही दिनदेखि यता छुट्टा छुट्टै रुपमा चीनलाई उद्धार सहयता दिने वा थप सहायता दिने निर्णय गरेका छन्। संयूक्त राष्ट्रिय संघको शरणार्थि उच्च आयोग, अन्तर्राष्ट्रिय वसाई-सराई संगठनलगायत धेरै अन्तर्राष्ट्रिय संगठनले चीनलाई रकम पनि सहयता स्वरुप प्रदान गरेका छन्।

      धेरै मुलुकका राष्ट्रियनायकहरु र विश्व व्यापार संगठन, अन्तर्राष्ट्रय दुरसञ्चार संगठन, अफ्रिकन विकास बैंकलगायत अन्तर्राष्ट्रिय संगठनका प्रमुखहरुले विभिन्न उपायद्बारा चीनलाई हार्दिक सम्वेदन व्यक्त गर्नुभएको छ।