|
हिजो दिउँसो दुइ बजेर 28मिनेट जाँदा, हु चिन थाउ, च्याङ्ग च मिन, उ पाङ्ग को, वन च्या पाउ, च्या छिङ्ग लिन, लि छाङ्ग छुन, सि चिन फिङ्ग, लि ख छिआङ्ग, ह को छिआङ्ग, चौ युङ्ग खाङ्कलगायत विभिन्न चिनियाँ नागरिकहरुले स छ्वानको वन छ्वानमा गएको गम्भीर भूईंचालोको मारमा परी ज्यान गुमाएका व्यक्तिहरुलाई श्रद्धन्जली आर्पण गर्नुभएको छ।
स छ्वानको वन छ्वानमा गएको भूईंचालोबाट मृत्यूवरण गर्नुभएकाहरुलाई शोक श्रद्धन्जली व्यक्त गर्नका लागि हिजो विहान सबेरै पेइचिङ्गस्थित थिआन आन मन चोकमा झण्डात्तोलन समारोहपछि चीनको राष्ट्रिय झण्डालाई आधा झुकाइएको छ।
हिजो विहान चीनस्थित असी वटा मुलुकका राजदुत र अन्तर्राष्ट्रिय संगठनका प्रतिनिधिहरुले चीनको परराष्ट्र मन्त्रालय पुगेर स छ्वानको वन छ्वानको भूईंचालोका कारण मृतक भएकाहरुलाई शोक श्रद्धान्जली व्यक्त गर्नुभएको छ।
हंगकंग र मकाउ विशेष प्रशासनिक क्षेत्रका सरकारी संस्था तथा विद्यालय लगायत महत्वपूर्ण क्षेत्रमा पनि चीनको राष्ट्रिय झण्डालाई आधा झुकाइएको छ। भूईंचालो प्रकोप ग्रस्त क्षेत्रमा उद्धार कार्य गरिरहेका रुसी, दक्षिणी कोरियाली, जापानीज तथा सिंगापूरीयन उद्धार टोलीले हिजो दिउँसो दुइ बजे र 28 मिनेट जाँदा स छ्वानको वन छ्वान प्रकोप ग्रस्त क्षेत्रमा चिनियाँहरुसँग मिलेर मृतकहरुलाई श्रद्धान्जली आर्पण गरेका छन्।
भूईंचालोको मारमा परी ज्यान गुमाएका व्यक्तिहरुको आत्माको चिरशान्तिको कामनाका लागि केही उद्धार व्यक्ति र प्रकोप ग्रस्त क्षेत्रका बासिन्दाहरु छिङ्ग छ्वान निम्नमाध्यामिक-विद्यालयमा आयोजित शोक समारोहमा संलग्न भए।
हिजो दिउँसो दुइ बजे र 28मिनेट जाँदा पोतला दरवारको चोकमा हजारौं चिनियाँहरुले श्रद्धान्जली आर्पण गरेका छन्।
हिजो दिउँसो दुइ बजेसम्म वन छ्वानमा गएको आठ रेक्टर स्कलको भूईंचालोबाट चीनको स छ्वान, कान सु, पल्लो शान सिलगायतका क्षेत्रमा चौंतीस हजार त्रिहत्तर जनाको मृत्यु हुनुका साथै दुइ लाख चालीस हजार जनाभन्दा बढी घाइते भएका छन्। हिजो अर्थात उन्नाइस तारीखदेखि एकाईस तारिखसम्मको तीन दिने राष्ट्रिय शोकको घोषणा चिनियाँ राज्य परिषद्ले गरेको छ। सो अवसरमा चीनमा गरिने ओलम्पिक ज्योतिको रिले कार्यक्रम स्थगित गरिएको छ। श्रद्धान्जली व्यक्त गर्नका लागि चीन र विदेशस्थित चिनियाँ संस्थामा चीनको राष्ट्रिय झण्डालाई आधा झुकाउनुका साथै सार्वजनिक मनोरञ्जनात्मक कार्यक्रमहरु सबै रद्ध गरिएका छन्।
|
