वितेका केही दिनमा विदेशी संचारामध्यमले विभिन्न लेख प्रकाशित गर्दै चीनले गरिरहेको भूकम्पको उद्धार कार्य छिटो, कार्यकुशल भएको कुरा जनाएका छन। यसका साथै ती लेखमा दीर्घकालीन दृष्टिकोणबाट गरिएको चीनको उद्धार कार्य मानिसलाई केन्द्रित विचारलाई प्रतिविम्वित गरिएको कुरा उल्लेख गरिएको छ।

         सिंगापुरको "ल्यान ह चाउ पो"ले हिजो एउटा लेख प्रकाशित गर्दै उद्धारका क्रममा चिनियाँ नेतागणको स्पष्ट विचार तथा छिटो कारवाहीबाट 'मानिसहरुमा केन्द्रित रहेको विचार' भन्ने सर्वविदित मूल्य देखाइएको कुरा जनाएको छ। उक्त लेखमा चीन सरकारले पश्चिमी मुलुकका राजनैतिज्ञहरु तथा सर्वसाधारणहरुको मनमा राम्रो प्रतिरुप स्थापित गरेको कुरा उल्लेख गरिएकोछ।

         कोलिम्बियाको दैनिक समाचारपत्र "एल एस्पेक्टादोर"ले हिजो एउटा लेख प्रकाशित गर्दै यति ठूलो प्राकृतिक प्रकोप भएपछि चीनले चालेको श्रृंखलाबद्ध उद्धारका कदमहरु दृढ, प्रभावकारी तथा स्पष्ट हुनुका साथै विभिन्न चरणमा रहेका कामको पनि फरक-फरक मुख्य विषय रहेको र सावधान भएको प्रशंसा गरेको छ।

         "द अस्ट्रेलियन"समाचारपत्रले आज एउटा रिपोर्ट प्रकाशित गर्दै चीनका विभिन्न ठाँउबाट गएका एक लाख जना स्वयमसेवकहरुले भूकम्प प्रभावित मानिसलाई सहयोग गर्दै स्थानीय बासिन्दाहरुबाट सम्मान तथा स्वागत पाएको जनाएकोछ।

         ए.पी.ले गत उन्नाइस तारिखका दिन तु च्याङ यान भन्ने प्रभावित क्षेत्रबाट एउटा रिपोर्ट प्रकाशित गर्दै चीनमा भूकम्प गएपछि प्रशस्त चन्दा जुटाइएको र धेरै सर्वसाधारणले आफ्नो निजी कारको प्रयोग गरी सरकार तथा सेनाद्बारा गरिने उद्धार कार्यमा भाग लिइरहेको जनायो।