चीनका राष्ट्राध्यक्ष हु चिंग थाउले आज प्रकोपबाट पीडित सर्वसाधारणको बन्दोबस्त मिलाउनु हाल भूइँचालोको प्रतिरोध र उद्धारका लागि सबैभन्दा महत्वपूर्ण कार्यभार बनेको कुरा बताउनुभयो। प्रकोपग्रस्त क्षेत्रका जनता आफ्नो थातथलोको पुनर्निर्माण गर्नका लागि आफ्नो शक्ति प्रदान गर्नका लागि उहाँले संक्रमणकालीन घरको उत्पादन र जडान गर्ने कार्यभार बेहोर्ने व्यवसायहरुले आफ्नो उत्पादनलाई तीव्र गर्ने आशा व्यक्त गर्नुभयो।

         हालसम्म राम्रो बन्दोबस्त मिलाउनुपर्ने स व्छान् प्रान्तको वन् व्छान् जिल्लामा गएको भूइँचालोबाट प्रभावित सर्वसाधारणको संख्या एक करोड चालीस लाखभन्दा बढी पुगेको छ। चीन सरकारले प्रकोपग्रस्त क्षेत्रका लागि प्रशस्त पाल पठाउनुका साथै प्रकोपग्रस्त क्षेत्रका लागि दश लाख सेटदार संक्रमणकालीन घर बनाउनका लागि विशेष रकम पनि जुटाउने निर्णय गरेको छ।

        तीन दिनअघि च च्यांग प्रान्तको हु चौ शहरमा पालको उत्पादनसम्बन्धी अवस्थाको निरीक्षण गर्नुभएपछि आज हु चिंग थाउले ह पै प्रान्तको लान् फांग पुगेर संक्रमणकालीन घर बनाउने अवस्थाको स्थलगत निरीक्षण गर्नुभएको छ।