चीनको राज्य परिषद् अन्तर्गत भूइँचालोको प्रतिरोध र उद्धारसम्बन्धी सामान्य निर्देशनालयको स्वास्थ्य र महामारीको रोकथाम दलका प्रमुख गाउ छिआंगले आज स्वास्थ्य र महामारीको रोकथाम गर्ने कार्यलाई चौतर्फीरुपमा मजबूत पार्नका लागि स्वास्थ्य र महामारीको रोकथाम गर्ने कार्यकर्ताहरुले भूइँचालोबाट भयंकर क्षतिग्रस्त सबै जिल्ला र गाउँ समेट्नुपर्ने कुरामा जोड दिनुभयो।

          थाहा भएअनुसार, स्वास्थ्य मन्त्रालयले भूइँचालोबाट नराम्ररी क्षतिग्रस्त सबै जिल्लामा मन्त्रालयका कर्मचारी र चिनियाँ रोग निवारण र नियन्त्रण केन्द्रका विशेषज्ञ पठाएको छ।

          स व्छान् प्रान्तीय सरकारले प्रकोपग्रस्त क्षेत्रका वाल-वालिकाहरुलाई कलेजोको रोग र मेनिन्जाइटिस रोगको प्रतिरोधक सूइ दिने निर्णय गरेको छ। तीन दिनपछि प्रकोपग्रस्त क्षेत्रका सबै वासिन्दालाई त्यस्तो सूइ दिनुपर्छ। स्वास्थ्य मन्त्रालयका अनुसार, सूइ दिनका लागि चाहिने सबै सूइ स व्छान् प्रान्त पठाइएको छ।